Սեպտեմբերի 2-ին արտակարգ դեպք է տեղի ունեցել Երևանում։ Ժամը 08։30-ի սահմանում ոստիկանության Նոր Նորքի բաժին ահազանգ է ստացվել, որ Գայի պողոտա 10 հասցեում գործող «Ծիրան» սուպերմարկետում դանակահարված քաղաքացիներ կան, գրում է shamshyan.com-ը։
Ըստ դեպքի վայրում հավաքվածների՝ ոստիկանները նշված վայրից 2 երիտասարդ տղաների, որոնց վրա կային արնանման հետքեր, տեղափոխլ են հիվանդանոց։ Խանութի ներսում հայտնաբերվել են արնանման հետքեր, խառնաշփոթ վիճակ. գետնին թափված են եղել խանութի ապրանքները։
Ըստ դեպքի վայրում հավաքվածների՝ այդ 2 քաղաքացիների և խանութի աշխատակցի միջև վիճաբանություն է տեղի ունեցել, որն այնուհետև վերածվել է ծեծկռտուքի, ինչին էլ հաջորդել են դանակահարությունները։
Դեքպքի փաստով հետաքննիչի կողմից նյութեր են նախապատրաստվում դեպքի հանգամանքները պարզելու համար։ Պարզվում է նա վիրավորների ինքնությունը։
Դեպքի վայր են ժամանել նաև ոստիկանության փորձաքրեագիտական վարչության փորձաքրեագետները։
