Փակ տարածքներում առանց դիմակի մուտքն արգելվում է: Համաճարակային իրավիճակը լարվում է, տեսչական մարմինները խստացնում են հակահամաճարակային կանոնների պահպանման վերահսկողությունը:
Առավոտյան ստուգումները սկսվեցին քաղաքի կենտրոնի սուպերմարկետներում:
Սննդի անվտանգության տեսչական մարմնից նախ զգուշացնում են՝ ստուգումները կլինեն պարբերական:
Ստուգում են ախտահանիչների որակը, զգուշացնում՝ պետք է օգտագործեն միայն 75 տոկոս սպիրտային լուծույթով ախտահանիչներ: Դիմակների մասին. առանց դիմակի քաղաքացին տուգանվում է 10 հազար դրամով, իսկ տնտեսվարողների դեպքում տուգանքը շատ ավելի է: