ՀՀ վերաքննիչ դատարանը որոշում է կայացրել Պետական դավաճանության գործով մեղադրյալ Մայիս Սահակյանի մասին

Մեզ հայտնի դարձավ, որ ՀՀ վերաքննիչ դատարանը մերժել է Պետական դավաճանություն կատարելու համար մեղադրվող Մայիս Սահակյանի պաշտպանի միջնորդյությունը նրա խափանման միջոց կալանավորումը փոխելու մասով. նա կշարունակի մնալ կալանքի տակ:

Ըստ մեղադրական եզրակացության՝ Մայիս Սահակյանը կնոջ օժանդակությամբ, լրտեսության, պետական և ծառայողական գաղտնի տեղեկություններ հավաքելու ու հանձնելու, ինչպես նաև թշնամական գործունեություն իրականացնելու համար, օտարերկրյա կազմակերպության ներկայացուցչին այլ օգնություն ցույց տալու եղանակով կատարել է պետական դավաճանություն։

Կնոջը՝ Ստելլա Սարգսյանին, մեղադրանք է առաջադրվել այն բանի համար, որ նա ամուսնու կողմից, լրտեսության, ռազմական բնագավառում պետական և ծառայողական գաղտնիքի շարքին դասվող տեղեկություններ հավաքելու ու հանձնելու, ինչպես նաև թշնամական գործունեություն իրականացնելու համար օտարերկրյա կազմակերպության ներկայացուցչին այլ օգնություն ցույց տալու եղանակով պետական դավաճանություն կատարելուն օժանդակելու դիտավորությամբ, տրամադրել է անհրաժեշտ միջոցներ, ինչպես նաև վերացրել է այդ կապակցությամբ առկա խոչընդոտները։

Loading

Մի մոռացեք կիսվել Ձեր ընկերների հետ