Երևան քաղաքի ընդհանուր իրավասության առաջին ատյանի դատարանում այսօր շարունակվում է Ռոբերտ Քոչարյանի և նախկին փոխվարչապետ, այժմ «Հայաստան» դաշինքի պատգամավոր Արմեն Գևորգյանի գործով դատական նիստը։
Նշենք, որ նախորդ երկու նիստերին ամբաստանյալ Արմեն Գևորգյանը դատական նիստերին չէր մասնակցում, պատճառաբանելով, որ գործի քննությունը զուգադիպում է Ազգային ժողովի նիստերի հետ։ Նախորդ նիստին դատավոր Աննա Դանիբեկյանը որոշում էր կայացրել Արմեն Գևորգյանին բերման ենթարկել, սակայն վերջինս այսօրվա նիստին ինքնակամ ներկայացել է դատարան։
Հիշեցնենք, որ Ռոբերտ Քոչարյանն ու Արմեն Գևորգյանը մեղադրվում են առանձնապես խոշոր չափերի՝ 3 մլն դոլարի կաշառք ստանալու մեջ: