Թուրքիայի Ալանիա քաղաքում չորս զբոսանավ է այրվել

Թուրքիայի Ալանիա քաղաքում կիրակի՝ օգոստոսի 15-ի երեկոյան, միանգամից չորս էքսկուրսիոն նավ է այրվել: Այս մասին հայտնում է Posta թերթը:

Նավերը խարսխվել էին Թուրքլերի շրջանում, սկզբում բռնկվել է զբոսանավերից մեկը, սակայն կարճ ժամանակում կրակը տարածվել է հարևան երեք նավերի վրա: Ըստ թերթի՝ անձնակազմի անդամները փորձել են մարել կրակը, սակայն շուտով, իրենց կյանքը փրկելու համար, ստիպված են եղել նետվել ծովը և լողալ դեպի ափ:

Ծխից թունավորված հրշեջներից մեկը հոսպիտալացվել է:

Ալանիայի շրջանի վարչակազմի ղեկավար Ֆաթիհ Ուրքմեզերի խոսքով ՝ ոչ ոք չի զոհվել: Փաստի առթիվ հետաքննություն է սկսվել:

Loading

Մի մոռացեք կիսվել Ձեր ընկերների հետ