Խորհրդարանը քննարկում է ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահի ընտրության հարցը:
Այս պաշտոնում առաջադրվել է «Պատիվ ունեմ» խմբակցության պատգամավոր Թագուհի Թովմասյանի թեկնածությունը:
Իր խոսքում Թովմասյանն ասաց, որ մարդու իրավունքների պաշտպանության ոլորտում խորհրդարանը պետք է առանձնահատուկ դերակատարություն ունենա, և հանձնաժողովի լիազորությունները պետք է հետևողականորեն ծառայեցվեն պատերազմի արդյունքում մեր բազմաթիվ հայրենակիցների խախտված իրավունքների վերականգմանը։
«Ի լուր աշխարհի պետք է շարունակ բարձրաձայնենք, որ Ադրբեջանը խախտում է հնարավոր բոլոր կոնվենցիաները»,- ասել է նա: