Երեկ ԱԺ նիստում ՔՊ անդամ Սարգիս Խանդանյանը ներկայացրեց «Հայաստան» դաշինքի կողմից ԱԺ տնտեսական հարցերի մշտական հանձնաժողովի նախագահի պաշտոնում առաջադրված պատգամավոր, Սյունիքի նախկին մարզպետ Վահե Հակոբյանի` ԿԸՀ ներկայացրած հայտարարագրի բովանդակությունն ու հետաքրքրվեց. «Ո՞րն է ձեր հաջողության գաղտնիքը»։
«Հաջողության գաղտնիքը շատ պարզ է` երբ ես լքեցի պետական ծառայությունը, սկզբից պայմանագրային եղանակով սկսեցի աշխատել «Քրոնիմետ Մայնինգ» ընկերության հետ, հետո արդեն դառա թիմի անդամ»,– ասաց Հակոբյանը։
Ինչ վերաբերում է հայտարարգրված գույքին, պատգամավորը վստահեցրեց, որ Երևանի երկու բնակարանները ձեռք են բերվել 100 տոկոս վարկով, Իսպանիայի բնակարանը` 80 տոկոսանոց վարկով։
Նշենք, որ բացի վերոհիշյալ բնակարաններից, Վահե Հակոբյանը ԿԸՀ ներկայացրած հայտարարգրում գրանցել է նաև 17 000 ԱՄՆ դոլար արժեքով Hublot ժամացույց, 11 մլն և 12 մլն ՀՀ դրամ արժողությամբ Vocheron Constonti և Breguet ժամացույցներ։
Վահե Հակոբյանը ԿԸՀ ներկայացրած հայտարարգրում գրանցել է նաևՄարտիրոս Սարյանի երկու նկարներ` 18 և 150 հազար ԱՄՆ դոլար արժեքով և Հովհաննես Այվազովսկու 1 նկար` 200 000 ԱՄՆ դոլար արժեքով ։