Մաեստրո Տիգրան Մանսուրյանը պատվաստվել է կորոնավիրուսի դեմ

Մաեստրո Տիգրան Մանսուրյանը պատվաստվեց և խնդրեց բոլորին հետևել իր օրինակին։ Այս մասին գրել է ԵՊԲՀ ռեկտոր Արմեն Մուրադյանը և կից լուսանկար հրապարակել։

COVID-19-ի դեմ պատվաստումների մեկնարկից ի վեր օգոստոսի 1-ի դրությամբ` կատարվել է 171 890 պատվաստում, որից առաջին դեղաչափ` 120 285, երկրորդ դեղաչափ` 51 605։ Այս մասին տեղեկացրին ՀՀ առողջապահության նախարարությունից։

Հիշեցում. AstraZeneca-ով, Sputnik V-ով և CoronaVac-ով պատվաստումները կարող են իրականացվել 18 և բարձր տարիքի անձանց շրջանում, ըստ դիմելիության, կամավորության սկզբունքով։

Պատվաստումներն իրականացվում են առողջության առաջնային պահպանման կազմակերպություններում շաբաթվա բոլոր օրերին. շաբաթ և կիրակի սահմանվել են հերթապահություններ՝ ժամը 10։00-16։00-ն։

Նախապես պետք է զանգահարել նախընտրած պոլիկլինիկա` անկախ կցագրումից, և գրանցվել պատվաստման համար։ Կարող են պատվաստվել նաև օտարերկրյա քաղաքացիները: Պատվաստումներն անվճար են:

Loading

Մի մոռացեք կիսվել Ձեր ընկերների հետ