Ռուսաստանի, Տաջիկստանի և Ուզբեկստանի համատեղ զորավարժություններ են մեկնարկել Աֆղանստանի սահմանին մոտ գտնվող Հարբ-Մայդոն զորակայանում, որը գտնվում է Տաջիկստանի Հաթլոնի մարզում։ Այս մասին հայտնում է RIA Novosti-ն՝ հղում անելով Կենտրոնական ռազմական օկրուգին։
Մանևրումների հիմնական նպատակն է մարտական համագործակցության ապահովումն ու զորքերի բարձր մակարդակի պատրաստության հաստատումը։ Զորավարժությունները, որոնց կմասնակցեն ավելի քան 2500 զինծառայողներ և մոտ 500 միավոր ռազմական տեխնիկա, կշարունակվեն մինչև օգոստոսի 10-ը։
