Ինչպես այսօր հայտնի դարձավ, օրեր առաջ Աջափնյակ վարչական շրջանի ղեկավարի տեղակալ Արտակ Հակոբյանը հարձակման է ենթարկվել։
Ըստ MediaNews-ի հավաստի աղբյուրների, Աջափնյակ վարչական շրջանի ղեկավարի տեղակալ Արտակ Հակոբյանն իր աշխատանքային պարտականությունները կատարելիս բախվել է դիմադրության:
Օրեր առաջ Աջափնյակ վարչական շրջանում սահմանված կարգով, բոլոր տնտեսվարողներին ուղարկվել էր պարտքերի վերաբերյալ ծանուցումներ, սակայն տնտեսվարողներից մեկը համարել էր, որ ինքն արտոնյալ է և զանգահարել էր Ա.Հակոբյանին, սրտնեղված հարցրել էր, թե ինչու՞ է իրեն էլ ուղարկվել ծանուցում, չէ որ ինքը տարբերվել է մնացած տնտեսվարողներից:
Ա.Հակոբյանն ի պատասխան տնտեսվարողի հարցին ասել էր, որ արտոնյալներ այլևս չկան և բոլորը հավասար են օրենքի առաջ:
Հեռախոսազրույցին հաջորդել է հանդիպումը, որի ժամանակ խուլիգանական հարձակման է ենթարկվել Ա.Հակոբյանը: Ընդ որում, դեպքի առթիվ ՀՀ ոստիկանությունում նախապատրաստվում են նյութեր և նշանակված է դատաբժշկական փորձաքննություն:
