Թուրքիայում զանգվածային անտառային հրդեհները շարունակվում են։ Կրակը մոտեցել է բնակավայրերին, բնակիչները հրատապ հեռանում են կրակի ճիրաններում հայտնված գոտուց։
Քեյջեգիզ քաղաքում, որը գտնվում է Մուղլա նահանգում, խուճապ է ստեղծվել․ մարդիկ վազում են փողոցներով՝ փորձելով դուրս գալ հրե թակարդից։
Իրադրությունը բարդ է նաև առողջարանային Ֆեթիե քաղաքում․ մեքենաները խցանումներ են առաջացրել ճանապարհներին, որոնց երկու կողմերում հրդեհ է։ Twitter-ի օգտատերերը հրապարակում են տեսանյութեր «հրե մայրուղով» երթևեկությունից։
Թուրքիայի իշխանությունները կարծում են, որ աղետի պատճառը հրկիզումն է։ Շարունակ հայտնվում են կրակի նոր օջախներ։
Հրդեհները սկսվել են հուլիսի 28-ին, Անթալիա նահանգի Մանավգաթ քաղաքից ոչ հեռու, այնուհետև արագ տարածվել այլ նահանգներ, այդ թվում՝ առողջարանային Մուղլու և Այդըն։ Հրդեհների հետևանքով տուժել է ավելի քան 180 մարդ։ Կրակը հասել է հյուրանոցներին, զբոսաշրջիկներին տարհանում են։