Հայաստանը խոցելի վիճակում է․ Իրավիճակի կառավարումը պահանջում է մեծ ճկունություն և հեռատեսություն: Այս մասին «Առաջին լրատվական»-ի հետ զրույցում նշեց ՄԱՀՀԻ ղեկավար, քաղաքագետ Ստյոպա Սաֆարյանը:
Վարչապետի պաշտոնակատար Նիկոլ Փաշինյանի՝ այսօր կառավարության նիստում հնչեցրած հայտարարության մի քանի կետեր զարմացրել են Սաֆարյանին:
Նրա խոսքով՝ իշխանությունները պետք է հասկանան՝ ինքնիշխանության հաշվին զիջումները չեն կարող անվտանգություն ամրապնդել․ «Ժողովուրդը ոչ մի քաղաքական ուժի մանդատ չի տվել սահմանների պաշտպանությունը օտար պետությանը վստահելու հարցում:Ռուսաստանը Հայաստանի «պաժարնիկն» է, բայց թղթերով պետք է կրակի բռնկումը կանխեր»,-նկատեց Սաֆարյանը:
