«Անդրանիկի վիրահատությունը քիչ առաջ ավարտվեց․..». Նորայր Նորիկյան

Փաստաբան Նորայր Նորիկյանը ֆեյսբուքյան իր էջում գրել է․ «Վերին Շորժայի հատվածում ադրբեջանցիների կողմից զինված հարձակման հետևանքով վիրավորում ստացած 5 զինծառայողներից մեկը քեռորդուս որդին է՝ Անդրանիկ Ալեքսանյանը։

Այս լուսավոր տղան մասնակցել է արցախյան վերջին պատերազմին և թշնամու 4 տանկ խոցելու համար ՀՀ նախագահի հրամանագրով պարգևատրվել «Արիության» մեդալով։

Անդրանիկի վիրահատությունը քիչ առաջ ավարտվեց և փառք Աստծո, նրա կյանքին վտանգ չի սպառնում։

Իմ ունեցած հավաստի տեղեկություններով մեր մարտական դիրքի բոլոր տղաները կռվել են արիաբար ու արժանի հակահարված տվել թշնամուն։

Շուտափույթ առողջություն եմ ցանկանում բոլոր վիրավոր զինծառայողներին, և Աստված պահապան Հայոց բանակի բոլոր զինվորներին․․․»,-նշել է նա։

Loading

Մի մոռացեք կիսվել Ձեր ընկերների հետ