Պատերազմի ժամանակ վերին վերջույթները կորցրած տղաները պրոթեզավորվում են բիոնիկ պրոթեզներով

Պատերազմի ժամանակ վերին վերջույթները կորցրած տղաները Զինվորի տանն այս օրերին պրոթեզավորվում են բիոնիկ պրոթեզներով, որոնք 30-ից ավելի ֆունկցիայի հնարավորություն են տալիս:

Այդ մասին հայտնում են Աշխատանքի եւ սոցիալական հարցերի նախարարությունից։

Պրոթեզավորման կարիք ունեցող զինծառայողներին գերժամանակակից պրոթեզներով ապահովելու համար ոլորտում ամենահայտնի ընկերություններից մեկի՝ իսլանդական OSSUR-ի հետ բանակցություններն իրականացրել է Աշխատանքի և սոցիալական հարցերի նախարարի պարտականությունները կատարող Նարեկ Մկրտչյանը։

Վերջինիս խոսքով՝ այս պահին աշխատանքներ են տարվում աջակցող այլ միջոցների կարիք ունեցող զինծառայողներին դրանցով ապահովելու, միջազգային ստանդարտներին համապատասխան տեխնոլոգիաները Հայաստան բերելու ուղղությամբ։

Loading

Մի մոռացեք կիսվել Ձեր ընկերների հետ