Արշալույս համայնքում բնակիչները բողոքում են և պահանջում համայնքապետի հրաժարականը:
Սկզբում նախատեսել էին համայնքապետարանում հանդիպել գյուղապետի հետ, բայց տեղեկություն ունեն, որ համայնքապետն աշխատավայրում չէ ու արդեն տևական ժամանակ է` չի գնում աշխատանքի:
«Մեր պահանջը միակն է՝ նրա հրաժարականը: Նա անօրինություններ է թույլ տալիս»,- ասել է ցուցարարներից մեկը:
Ցուցարարը նշել է, որ գործող գյուղապետը վայելում է գյուղի բնակիչների ընդամենը 20 տոկոսի աջակցությունը: Բողոքողները ցանկանում են հանդիպել համայնքապետի հետ ու մի շարք հարցեր ուղղել նրան:
