Վերջին օրերին Արմավիր քաղաքի մշակույթի տան հարակից այգում իրականացվում են բարեկարգման և սանիտարական մաքրման աշխատանքներ։
Քաղաքապետարանից հայտնում են, որ նախորդ տարի մեկնարկած աշխատանքների շրջանակում կառուցվել ու սալիկապատվել են զբոսայգու ճեմուղիները, անցկացվել է արտաքին լուսավորության համակարգ, տեղադրվել են նստարաններ, կառուցվել է շատրվան։
Զբոսայգում իրականացվող այսօրվա աշխատանքներին հետևում էր նաև քաղաքապետ Դավիթ Խուդաթյանը։
Զբոսայգին մաքրվել է նախկին սրճարանի շինարարական աղբից, տեղադրվել են փայտե աղբամաններ, առաջիկայում նախատեսվում է ավելացնել նստարանների քանակը։