Միացյալ Նահանգները մտահոգված է Հայաստանի և Ադրբեջանի սահմանի երկայնքով գրանցվող միջադեպերով, հատկապես՝ Երասխ/Սադարակ հատվածի վերջին դեպքերով: Այդ մասին հայտնում է Հայաստանում ԱՄՆ դեսպանությունը։
«Մենք երկու կողմին կոչ ենք անում արագ և խաղաղ կերպով թուլացնել լարվածությունը և առարկայական բանակցությունների վերսկսման տիրույթ ստեղծել»,- ասված է դեսպանատան ֆեյսբուքյան գրառման մեջ:
Հիշեցնենք՝ պաշտպանության նախարարությունն այսօր տեղեկացրել է, որ մինչև ուշ գիշեր գնդակոծվել է հայ-ադրբեջանական սահմանը Երասխի հատվածում։ Նաեւ նշվել է, որ փոխհրաձգության հետևանքով վիրավոր է գյուղապետը։
