Արարատի մարզում՝ Երասխի հատվածում, հուլիսի 14-ին, 16-ին և 17-ին թշնամին կրակ է բացել հայ դիրքապահների ուղղությամբ:
Այս հատվածի վերաբերյալ ՊՆ վերջին հաղորդագրության համաձայն հուլիսի 17-ի ժամը 21:00-ի դրությամբ իրադրությունը Երասխի սահմանագոտում հարաբերականորեն կայուն է:
Այսօր՝ հուլիսի 19-ին, Իրավաբան.net-ի հետ զրույցում Արարատի մարզպետարանից հայտնեցին, որ գյուղացիների շրջանում խուճապ չկա
«Երեխաները սովորականի պես իրենց բակերում խաղում են: Մարդիկ ապրում են բնականոն կյանքով, կատարում են իրենց առօրյա աշխատանքները, նաև գյուղատնտեսական աշխատանքները»,-նշեցին մարզպետարանից:
Հիշեցնենք, որ Պաշտպանության նախարարության հուլիսի 14-ի տարարածած մամուլի հաղորդագրության համաձայն՝ Երասխի հատվածում ադրբեջանական զինված ուժերի կողմից իրականացված սադրանքի հետևանքով մահացու հրազենային վիրավորում էր ստացել 1983 թվականին ծնված, ՀՀ ԶՈւ N զորամասի պայմանագրային զինծառայող, շարքային Սամվել Գագիկի Ալավերդյանը:
