Ավերիչ ջրհեղեղների հետևանքով զոհերի թիվը Գերմանիայում հասել է 156-ի: Այս մասին տեղեկացնում է «ՌԻԱ Նովոստի» գործակալությունը` հղում տալով Bild պարբերականին:
Ռեյնլանդ-Պֆալց նահանգում 110 մարդ է զոհվել: 45 մարդ էլ մահացել է Հյուսիսային Ռեյն-Վեստֆալիա նահանգում, 1 մարդ մահացել է Բերխտեսգադեն շրջանում:
Հիշեցնենք, որ Գերմանիայում շաբաթվա սկզբից շարունակվում են ջրհեղեղները, որոնք առաջացրել է «Բերնդ» ցիկլոնը: Հիմնականում տուժել են արևմտյան և հարավարևմտյան շրջանները, որտեղ գետերը, ներառյալ Հռենոսը դուրս են գալիս ափերից՝ հեղեղելով փողոցները:
