ԱՄՆ Միջազգային զարգացման գործակալությունը (USAID) պատրաստ է 5 մլն դոլար հատկացնել Հայաստանի երիտասարդներին «հասարակության մեջ ժողովրդավարական սկզբունքների և պրակտիկաների առաջխաղացման համար»:
Russia Today-ը հայտնում է, որ դրամաշնորհի նկարագրությունում ասվում է՝ վերջին մի քանի տարվա ընթացքում հայ երիտասարդները ակտիվ մասնակցել են նաև երկրի քաղաքական կյանքին, սակայն ներկայումս Հայաստանի բնակիչների ներգրավվածությունը քաղաքականության հետ կապված հարցերում հիմնականում ներկայացված են քվեարկությանը մասնակցելու, իշխանությանը հրապարակավ քննադատելու կամ չենթարկվելու հնարավորությամբ։
USAID-ն նշել է, որ դրամաշնորհն ուղղված է Հայաստանի երիտասարդներին «կոլեկտիվ գործողությունների մեջ ներգրավելուն, որպեսզի երիտասարդներն ազդեն պետական քաղաքականության վրա և կառավարությանը պատասխանատվության ենթարկելու հնարավորություն ունենան:
