Մինչև 2025 թվականը մեր երկրում կկառուցվի 200 մեգավատտ հզորությամբ արևային ֆոտովոլտային կայան։ Այն տեղակայվելու է Արագածոտնի մարզի Թալին և Դաշտադեմ համայնքներում, ներդրվելու է մոտ 174 միլիոն դոլար։
Կառավարությունից հայտնում են, որ մրցույթում հաղթել է էմիրաթական «Մասդար» ընկերությունը։ Բաժնեմասի 85 տոկոսը հենց «Մասդարինն» է, 15 տոկոսը` Հայաստանի պետական հետաքրքրությունների ֆոնդինը։
Ծրագիրը նաև սոցիալական բաղադրիչ ունի, նախատեսվում է 320 միլիոն դրամի չափով տարածքային զարգացման վճար տրամադրել այն երկու համայնքներին, որոնց հողատարածքներում արևից էներգիա է արտադրվելու։
