Վերաքննիչ քրեական դատարանը, դատավոր Մնացական Հարությունյանի նախագահությամբ, այսօր մերժել է «Պատիվ ունեմ» դաշինքի պատգամավորի թեկնածու Գոռ Սեդրակյանին կալանավորելու որոշման դեմ պաշտպանների բողոքը:
Սեդրակյանի պաշտպան Գայանե Պապոյանը լրագրողների հետ զրույցում հայտնել է, որ դեռ չեն ստացել վերաքննիչ դատարանի որոշումը և հավելել՝ դատարանի որոշումը բողոքարկվելու է:
Պապոյանի խոսքով՝ մեղադրանքն այնքան անհիմն է, որ ներկայացվել է կալանավորման մեկ հիմք. «Նույնիսկ փախուստի հիմքը չեն դրել, միայն ազդեցություն գործադրելու հիմքը, սակայն որևէ փաստական տվյալներով չեն կարողանում դա հիմնավորել»:
Հիշեցնենք՝ Գոռ Սեդրակյանը ձերբակալվել է խորհրդարանական արտահերթ ընտրությունների օրվա նախօրեին՝ հունիսի 19-ին՝ ենթադրյալ ընտրակաշառքի վերաբերյալ քրեական գործի շրջանակներում։
