Երևանի քաղաքապետի մամուլի խոսնակ Հակոբ Կարապետյանը ֆեյսբուքյան էջում քաղաքացիներից մեկի մեկնաբանությունն է հրապարակել Երևանում գործող նոր ավտոբուսների մասին և կից գրառում արել։
«Քանի որ փաբլիք մեկնաբանություն է, հեղինակի թույլտվությամբ կիսվում եմ։
Քաղաքային նոր ավտոբուսների ներդրումը ոչ միայն քաղաքացիների տեղաշարժի որակն է բարձրացնում, այլև արժանապատիվ աշխատանք է ապահովում հարյուրավոր վարորդների համար։
Վարորդն այլևս կախված չէ գծատիրոջ սահմանած «պլան»-ից, հետևաբար ստիպված չէ արագացնել կամ դանդաղեցնել ընթացքը կամ երկար զբաղեցնել կանգառը ուղևոր հավաքելու համար։ Նա ստանում է «սպիտակ» աշխատավարձ, գումարած՝ որոշակի բոնուսներ, ստանում է համազգեստ և աշխատում է հերթափոխով։
Իհարկե, պահանջներն էլ են համապատասխանաբար խիստ։ Օրինակ, ընթացքի ժամանակ ծխելը կոշտ կարգապահական տուժի կհանգեցնի, ընդհուպ՝ աշխատանքից ազատում»։
