«Մեքենայի կմախքն ունեինք, իսկ մասերը այստեղից-այնտեղից էի ճարում․ մոտ 3 ամսում հավաքեցի մեքենան: Նպատակ ունեմ ավելի մեծ մեքենա հավաքել, արտաճանապարհային մեքենա, հաջորդի անունն էլ «Մոնսթր» է լինելու»,- պատմում է 16-ամյա պատանին:
Տիգրանը մեքենան առաջին անգամ իրենց բակում է փորձարկել, հիշում է`շատ հպարտ էր այդ օրը. «Մեծ հպարտությամբ էի վարում, հիմնականում ընկերներիս հետ եմ վարում, բայց տանից շատ հեռու չեմ գնում, քանի որ այդքան էլ լավ չեմ վարում: Ավելի շատ սիրում եմ դրիֆտ անել, սարեր ձորերում քշել»:
Մեքենաներով Տիգրանը սկսել է հետաքրքրվել շատ փոքրուց, փոքր ժամանակ երբ մեքենա էր նվեր ստանում, ոչ թե խաղում էր, այլ քանդում էր` տեսնելու, թե ինչից է պատրաստված մեքենան:
Տիգրանը իր ձեռքբերածով չի սահմանափակվելու: Մտածում է մեքենան կատարելագործել՝ հարմարեցնել ռազմական պայմաններին:
Պատմում է` հատուկ սարք է ստեղծել, որ տանից մեքենան սարքի կգցի, սակայն սարքը դեռ չի փորձարկել. «Պետք է ներկեմ, դեռ կիսատ է, զինվորական տեսքի եմ ուզում բերեմ, ռազմական պայամանների համար: Կարող ա պետք գա էլի մի օր, հիմա մենք նենց երկրիր ենք, որ ռազմական պայամներում կարող է օգտագործվի»:
տեսանյութը՝ news.am
