«Փաստինֆո»-ի տեղեկություններով` ՊԵԿ նախկին նախագահ Գագիկ Խաչատրյանին կանչել են Ազգային անվտանգության ծառայություն:
Ըստ մամուլի հրապարակումների՝ 2018 թվականի ապրիլին երկրում տեղի ունեցած հեղափոխությունից հետո Գագիկ Խաչատրյանը մեկնել էր ԱՄՆ, որտեղ նրա ընտանիքի անդամները բիզնես եւ շքեղ առանձնատներ ունեն: Խոսքը հարյուրավոր միլիոնների հասնող կարողության մասին է:
Օրեր առաջ մամուլը գրեց, որ նա վերադարձել է Երեւան:
«Փաստինֆո»-ի տեղեկություններով`ԱԱԾ-ն արդեն կանչել է նրան եւ պահանջում է վերադարձնել գումարները, որոնց ծագումը կասկածահարույց է: Ֆորմալ առումով՝ թե ինչ գործի շրջանակներում են կանչել՝ առայժմ պարզել չհաջողվեց:
