Այսօր՝ մայիսի 15-ին, խոշոր ավտովթար է տեղի ունեցել Երևանում:
Ժամը 19:10-ի սահմաններում, Թամանցիների փողոցում բախվել են Արտաշես Միքայելյանի վարած Mercedes մակնիշի 100 ՍN 10 համարանիշի, Հայկ Հայրապետովի վարած Subaru մակնիշի 71 ST 117 համարանիշի և Դավիթ Ավետիսյանի վարած Opel մակնիշի 21 AL 112 համարանիշի ավտոմեքենաները:
Ինչպես հայտնում է Shamshyan.com-ը, վթարի հետևանքով, ըստ նախնական տեղեկությունների, բարեբախտաբար տուժածներ չկան:
Վթարի մասին Երևանի Ճանապարհային ոստիկանության օպերատիվ կառավարման կենտրոնի պատասխանատու հերթապահ Հակոբ Մասչյանը տեղեկությունը փոխանցել է ՃՈ 1-ին սպայական գումարտակի 6-րդ դասակ, որտեղից ժամանել են տեսուչներ Մերուժան Համբարձումյանն ու Վարդան Վարդանյանը:
Օպերատիվորեն ժամանել են նաև ապահովագրական ընկերությունների ներկայացուցիչները:
Փաստի առթիվ Մ. Համբարձումյանի կողմից նյութեր են նախապատրաստվում:
