Հաստ աղիքի քաղցկեղը քաղցկեղի ամենատարածված տեսակներից է: Սպասվում է, որ հիվանդության տարածվածությունը 2030 թվականին կաճի 60 տոկոսով` կազմելով 2,2 միլիոն դեպք: Քանի որ հաստ աղիքի քաղցկեղի զննումը անհասանելի է աշխարհի շատ երկրներում, դրա կանխարգելումը կարող է վճռորոշ լինել:
Մեթաանալիզի համաձայն՝ որոշակի դեղամիջոցներ եւ սննդամթերքներ իջեցնում են այս տեսակի քաղցկեղի զարգացման ռիսկը, ասվում է Gut ամսագրի հրապարակման մեջ:
Սննդամթերք
Հաստ աղիքի քաղցկեղը.
23 տոկոսով հազվադեպ է զարգացել այն մարդկանց մոտ, որոնք առնվազն 255 միլիգրամ մագնեզիում են ընդունել,
15-20 տոկոսով հազվադեպ` մեծ քանակությամբ ֆոլաթթու ընդունողների մոտ,
13-19 տոկոսով պակաս նրանց մոտ, ովքեր պարբերաբար կաթնամթերք են ընդունում (հստակ տվյալներ մթերքի պահանջվող քանակի եւ բնույթի մասին չեն տրվում),
22-43 տոկոսով պակաս նրանց մոտ, ովքեր բավարար քանակությամբ բջջանյութ են ընդունում,
52 տոկոսով՝ ովքեր պարբերաբար միրգ ու բանջարեղեն են օգտագործում,
8-15 տոկոսով՝ սոյայի սիրահարների մոտ:
Դեռեւս հայտնի չէ՝ արդյո՞ք E եւ C վիտամինները, բետա-կարոտինը, մուլտիվիտամիններն ու սելենը կարող են պաշտպիչ ազդեցություն ունենալ: Թեյի, սխտորի, սոխի, վիտամին D-ի կանխարգելիչ լինելու ապացույցները թույլ են, իսկ A եւ B վիտամինների վերաբերյալ տեղեկությունները շարունակում են հակասական մնալ:
Դեղամիջոցներ
Համարվում է, որ ասպիրինի, ոչ ստերոիդային հակաբորբոքային դեղամիջոցների (պարացետամոլ եւ այլն) եւ, հնարավոր է, ստատինների ընդունումը նվազեցնում է հաստ աղիքի քաղցկեղի ռիսկը:
Օրական 75 միլիգրամ ասպիրինը կարող է այս տեսակի քաղցկեղի ռիսկը նվազեցնել 14-29 տոկոսով: Դրա կանխարգելիչ նշանակությունը աճում է չափաբաժինը օրական մինչեւ 325 միլիգրամի հասցնելու դեպքում:
Պարզվել է, որ 5 տարի հակաբորբոքային դեղամիջոցներ ընդունելը կապված է հաստ աղիքի քաղցկեղի ռիսկի՝ 26-43 տոկոսով նվազեցման հետ:
Այնուամենայնիվ, ստատինների համար հավաքված ապացույցները հակասական են: Դրանց կանխարգելիչ ազդեցությունը հաստատվել է ուսումնասիրությունների արդյունքում, մինչդեռ դեղամիջոցների կլինիկական փորձարկումները
