Մոսկվայում փողոցներից մեկում տեղի բնակիչները արյունով լցված հարյուրավոր կոտրված փորձանոթներ են հայտնաբերել․ դրանք պատկանում են «Գեմոտեստ» ընկերությանը:
«Այժմ մենք ուսումնասիրում ենք իրավիճակը. Պարզում ենք, թե ինչպես, երբ և ում մեղքով են այս փորձանոթները հայտնվել փողոցում: Առայժմ, միանշանակ կարող ենք ասել, որ դրանք ուղարկվել են ուտիլիզացնելու համար»,-ասել է «Գեմոտեստ» ընկերության ներկայացուցիչ Աննա Լիսովեցը:
Նշվում է, որ մինչ որոնում են միջադեպի մեղավորներին, «Ռոսպոտրեբնադզոր»-ը սկսել է ստուգել այս միջադեպը, ինչպես նաև անհրաժեշտ միջոցներ ձեռնարկել փողոցն ախտահանելու համար: Մասնավորապես, տարածքը սահմանազատել են, իսկ փորձանոթները տեղափոխվել են հատուկ աղբավայր:
