«Հանուն Հանրապետության» կուսակցությունը ՀՀ նախագահին կոչ է անում հետքայլ չանել

Արման Բաբաջանյանը ֆեյսբուքյան իր էջում գրել է.

ԳՇ պետի ազատման հրամանի վերաբերյալ ՀՀ նախագահի երեկվա հայտարարությունից այսօր որոշ իրադարձություններից հետո բարձրացված աղմուկը վկայում են ընդդեմ ՀՀ պետականության, օրինականության և իրավիճակից դուրս գալու բացառապես սահմանադրական ճանապարհով հանգուցալուծում գտնելու համակարգված գործողությունների մասին։

Օգտվելով սահմանադրության անկատարությունից և երկրի մայր օրենքը ենթարկելով կամայական, խիստ կողմնակալ վերլուծությունների որոշ շրջանակներ փորձում են ճնշում գործադրել պետական ինստիտուտների, մասնավորապես՝ ՀՀ նախագահի վրա և արգելակել լարված իրավիճակի սահմանադրական և անցնցում հանգուցալուծումը։

«Հանուն Հանրապետության» կուսակցությունը խստորեն դատապարտում է նման փորձերը եւ կոչ է անում պետության գլուխ ՀՀ նախագահ Արմեն Սարգսյանին հավատարիմ մնալ ՀՀ պետական կարգի ու սահմանադրականության գերակայության սկզբունքներին, շարունակել գործել բացառապես՝ հանուն Հայաստանի Հանրապետության կայունության և ժողովրդավարական գործընթացների անշրջելիության։

«Հանուն Հանրապետության» կուսակցության
Ղեկավար մարմին։

Մի մոռացեք կիսվել Ձեր ընկերների հետ
  •   
  •