Հայաստանում կոկորդիլոսի բուծման ծրագիրը հետաձգվել է, քանի որ Տանզանիայից ներդրողը խնդիր ուներ ՀՀ վիզա ստանալու։
Ինչպես հայտարարել էր Արարատի մարզպետ Գարիկ Սարգսյանը, կար նաև որոշ խնդիրներ ՊԵԿ-ում։
«Չէին կարողանում բնորոշումը տալ կոկորդիլոսի ձվի՝ դա թռչնի է, թե կենդանու», — ասել էր նա։
Այսօր լրագրողների հետ զրույցում ՊԵԿ նախագահ Դավիթ Անանյանն ասաց, որ խնդիրը լուծվել է։
«Կոկորդիլոսը երկկենցաղ է, և շատ դեպքերում դասակարգման խնդիր կա», — ասաց նա։
Հարցին՝ այսինքն՝ վիզա տրվե՞լ է, ՊԵԿ նախագահը դրական պատասխան տվեց։
«Հա, տրվել է», — նշեց Անանյանը։
