ԱՄՆ նախագահ Ջո Բայդենը բացասական վերաբերմունք ունի Facebook- ի գործադիր տնօրեն Մարկ Ցուկերբերգի նկատմամբ: Այս մասին հայտնում է Gazeta.ru-ն։ Նրա կարծիքով, կորպորացիան իրեն չափազանց շատ բան է թույլ տալիս և վաղուց արդեն վերահսկողությունից դուրս է:Արտասահմանյան լրատվամիջոցների հաղորդմամբ, Բայդենը պատրաստվում է «պառակտել» Ցուկերբերգի ընկերությունը, ինչը կարող է լուրջ խնդիրներ ստեղծել Facebook- ի համար՝ ԱՄՆ նոր նախագահի օրոք:
Ջո Բայդենի նախագահությունը կարող է աղետ լինել Facebook- ի համար, հայտնում է BBC- ն: Ի տարբերություն Դոնալդ Թրամփի վարչակազմի, որը Ֆեյսբուքը համարում էր «չափազանց լիբերալ», բայց այնուամենայնիվ կարողացել է լավ հարաբերություններ պահպանել այդ հարթակի հետ , ինչպես նաևԲարաք Օբամայի վարչակազմը, որը հավատարիմ էր Ցուկերբերգին, ԱՄՆ նոր նախագահը կորպորացիան համարում է «չարի մարմնացում»:
«Ես երբեք ֆեյսբուքի երկրպագու չեմ եղել, ինչպես գիտեք: Եվ ես երբեք Ցուկերբերգի երկրպագու չեմ եղել, ես նրան լուրջ խնդիր եմ համարում», – անցած տարի Բայդենը New York Times- ին տված իր հարցազրույցում նման կարծիք էր հայտնել։
Քաղաքական գործչի և IT ոլորտի հսկայի միջև հարաբերությունները սրվել էին այն բանից հետո, երբ Ֆեյսբուքում տարածվել էր նրա որդու՝ Հանթեր Բայդենի հետաքննության գործի տեսանյութը: Ի պատասխան, Բայդենը Facebook- ի ղեկավարին մեղադրել էր «զրպարտություն հրապարակելու համար» կաշառք ստանալու մեջ:
BBC- ի փոխանցմամբ՝ ամերիկացի առաջնորդի ամբողջ թիմը բացասական կարծիք ունի միլիարդատիրոջ մասին: Ընտրություններում Բայդենի հաղթանակից մի քանի օր անց նրա խոսնակ Բիլ Ռուսոն Twitter- ում հետևյալ գրառում էր կատարել․
«Եթե կարծում էիք, որ Facebook- ի ապատեղեկատվությունը խնդիր է միայն վերջին ընտրությունների ժամանակ, պարզապես սպասեք, թե ինչպես դա հետագայում կործանում մեր ժողովրդավարությունը», – գրել է Ռուսոն:
