Հատուկ քննչական ծառայության պետ Սասուն Խաչատրյանը Արցախի անվտանգության խորհրդի քարտուղար Վիտալի Բալասանյանին հրավիրում է «Մարտի 1-ի» գործը քննարկել իրավաբանական տեսանկյունից:
«Եթե ամոթանք է տվել, թողնում եմ իր խղճին, բայց եթե լուրջ իրավաբան է, ես հրավիրում եմ գա, նստենք, քննարկենք իրավաբանական տեսանկյունից»,- այս մասին այսօր լրագրողների հետ զրույցում ասել է Սասուն Խաչատրյանը:
Սասուն Խաչատրյան արձագանքել էՎիտալի Բալասանյանի այն դիտարկմանը, թե ամոթալի է ՀՔԾ պետի հայտարարությունը, որ ժամկետային զինծառայող Տիգրան Աբրահամյանը սպանվել է հատուկ ջոկատայինների կողմից՝ արտակարգ դրություն մտցնելու նպատակով։
Հիշեցնենք, որ այսօր լրագրողների հետ զրույցում Վիտալի Բալասանյանն ասել էր.
«Նախ պետք է լուրջ ուսումնասիրել Մարտի 1-ի գործը: Երբ որ մարդիկ խոսում են, որ Մարտի 1-ի գործը բացահայտված է, ըստ իս, ես չգիտեմ՝ բացահայտվա՞ծ է, թե՞ ոչ, քննություն կգնա, կիմանանք: Կարող է վաղը ինձ էլ Մարտի 1-ով հարցաքննեն, ես, որ այդ ժամանակ, այդ օրերին ապրել եմ Արցախի հանրապետությունում, չգիտեմ ում կկանչեն, թող համապատասխան բացատրությունները տան»:
Վիտալի Բալասանյանի ամոթանքը թողնում եմ իր խղճին․ ՀՔԾ պետ
Վիտալի Բալասանյանի ամոթանքը թողնում եմ իր խղճին․ ՀՔԾ պետ
Posted by 1in.am on Monday, January 28, 2019
