Այսօր Ապրիլյան պատերազմի օրերին ականի պայթյունից ոտքերը կորցրած Դավիթ Գրիգորյանի հարսանիքն է։ Դավիթն ամուսնանում է իր համագյուղացի Սոնայի հետ:
Ավելի վաղ «Հայկական ժամանակ»-ի հետ զրույցում Դավիթը հայտնել էր, որ մեծ հարսանիք է անելու՝ 500-ից ավելի հյուրերով: Դավիթ Գրիգորյանը նշանադրվել էր 2018 թվականի փետրվարի 24-ին:
Ֆեյսբուք սոցիալական ցանցում Դավիթի ընկերներից մեկը տեսանյութ է տեղադրել, որտեղ նորապսակները պարում են իրենց հարսանեկան տանգոն։
Դավիթը նաեւ ասել էր, որ հարսանյաց հանդեսը Նոյեմբերյանի հարսանեկան տանն է անցկացվելու: Օրը՝ հունվարի 26-ն էլ պատահական է ընտրված․ «Ավանդական հայկական հարսանիք է լինելու, էն, որ հայաթում ցուլիկ են մորթում։ Դեռ ես էլ մանրամասները լավ չեմ պատկերացնում»,-ավելի վաղ մեր զրույցում ասել էր Դավիթ Գրիգորյանը:
