Բոլորս էլ մի օր բախվում ենք այն խնդրին, որն է՝ ինչպես մաքրել ոսկե, արծաթե, պղնձե, ինչպես նաև այլ նյութերից պատրաստված իրերը: Այս հոդվածում ներկայացնում ենք այդ իրերը խնամելու ձևերը:
Պղնձե իրերը խոնավությունից պետք է պաշտպանել, քանի որ դրանց վրա կարող է բորբոս առաջանալ: Նման դեպքում իրերը պետք է սրբել քացախով, ապա՝ բրդյա մաքուր կտորով:
Պղնձյա զարդերը պետք է մաքրել կավճի ու անուշադրի սպիրտի լուծույթով:
Անհրաժեշտ կլինի՝
- 1 ճ. գ. աղ
- 1 –. գ. կերակրի սոդա
- 1 ճ. գ. սպասք լվացող միջոց
- 1 բաժակ ջուր
- 1 շերտ ալյումինե փայլաթիթեղ
Աշխատանքի ընթացքը՝
1. Ջուրը տաքացրեք (օրինակ՝ 1-2 րոպե միկրոալիքային վառարանում):
2. Ալյումինե փայլաթիթեղը դրեք ամանի հատակին:
3. Տաք ջուրը լցրեք տարայի մեջ:
4. Խառնեք բոլոր բաղադրիչները:
5. Զարդը դրեք ջրի մեջ, թողեք 5-10 րոպե:
6. Զարդը հանեք, լվացեք տաք հոսող ջրով, սրբեք անձեռոցիկով:
