«Սիսակ, Լենա, Լիլիթ. մի 10 ելքի հնարավորություն բաց եք թողել…». ռեժիսորը՝ իմքայլականներին

Կինոռեժիսոր Մհեր Մկրտչյանը ֆեյսբուքյան էջում գրառում է արել՝ դիմելով իմքայլական պատգամավորներին:

«Սիսակ, Լենա, Լիլիթ… շատերի անունները չեմ հիշում, կներե՛ք…

Օստապ Բենդերը ասում էր. «Չկա այնպիսի անելանելի իրավիճակ, որտեղից չլինի առնվազն երկու ելք»:

Բայց դուք արդեն մի 10 ելքի հնարավորություն բաց եք թողել` Հրայր Թովմասյանի գրիչից մինչև Արցախի վաճառքի գիշերը:

Հիմա վերջին կանգառն է: Ամենավերջին:

Քաղաքական ապագա չունենալը, որը դուք արդեն չունեք, ամենադաժան ու սարսափելի բանը չի կյանքում:

Բարոյականությունից չեմ խոսա, դուք այն կորցրել եք շատ շուտ: Բայց այսօր փնտրեք ձեր մեջ գոնե ինքնապահպանման բնազդը՝ բաց մի՛ թողեք մարդ մնալու վերջին կանգառը:

Հասկանում եմ՝ կգերադասեիք, որ Նիկոլը բռնապետ դառնա: Բայց չի դառնա: Գիտե՞ք՝ ինչու եմ համոզված: Որովհետև նա ընդամենը նույն, մինչհեղափոխական, սափրված, անդուր ձայնով վերևի նոտաներ վերցնող ոչ ամենահաջողված լրագրողն ա:

Գիտեմ, որ կկարդաք»,- գրել է նա:

Loading

Մի մոռացեք կիսվել Ձեր ընկերների հետ