Ներքին Խնձորեսկում մտահոգ են․ սահմանը գյուղից 600 մետր է հեռու

Սյունիքի մարզի Գորիս խոշորացված համայնքի Ներքին Խնձորեսկ բնակավայրը հայ-ադրբեջանական սահմանից մի քանի հարյուր մետրով է ընդամենը հեռու։

«Խնձորեսկն էլ է մոտ սահմանին, բայց ոչ տները, այլ՝ արոտվայրերը, իսկ հայ-ադրբեջանական սահմանը Ներքին Խնձորեսկից 600 մետր այն կողմ է»,- NEWS.am-ի հետ զրույցում ասաց Խնձորեսկի վարչական ղեկավար Երվանդ Մալունցը՝ նշելով, որ հակառակորդի շարժն իրենց համար տեսանելի է։ Ըստ Խնձորեսկի վարչական ղեկավարի՝ հակառակորդը դեռ չի մոտեցել իրենց սահմանին, որպեսզի սահմանազատում արվի։

«Դեռ մեզ չեն հասել, որ իմանանք՝ ինչ է սպասվելու է։ Պիտի գան՝ իմանանք, թե սահմանը ոնց է գծվելու»,- ասաց նա։

Երվանդ Մալունցի փոխանցմամբ՝ երկու բնակավայրերի բնակիչները զգոն են, ինքնապաշտպանություն են իրականացնում, իսկ տեղափոխվելու մասին էլ ոչ ոք չի մտածում։

«Մարդիկ մտածում են իրենց սահմանի ամրության, իրենց ինքնապաշտպանության մասին։ Ուղղակի ավելի շատ գյուղատնտեսության հետ կապված խնդիրներ են առաջացել։ Արոտավայրեր չկան, ով հասցնում է իր անասունը կես գնով վաճառում է, անասունն էլ շատ է, չեն կարողանում պահել»,- ասաց նա։

Loading

Մի մոռացեք կիսվել Ձեր ընկերների հետ