Լեռնային Ղարաբաղում՝ Մատաղիսի հատվածում ականի պայթյունի հետևանքով մեկ ռուս խաղաղապահ և Արցախի արտակարգ իրավիճակների պետական ծառայության 4 աշխատակից են վիրավորվել: Այս մասին հայտնում է ՌԻԱ-Նովոստին:
Պայթյունի հետևանքով մահացել է մեկ ադրբեջանցի զինվորական: Վիրավորում ստացած ռուս սպան հոսպիտալացվել է, տեղափոխվել Բաքու: ՌԴ ՊՆ-ից հայտնում են, որ նրան ցուցաբերվում է անհրաժեշտ բժշկական օգնություն, և կյանքին վտանգ չի սպառնում:
Ականի պայթյունը տեղի է ունեցել, երբ համատեղ խումբը զոհվածների մարմինների որոնողական աշխատանքներ էր իրականացնում Մարտակերտում: Խմբում ներառված էին ռուս խաղաղապահներ, ադրբեջանցի զինվորականներ, Արցախի ԱԻՊԾ և ԿԽՄԿ ներկայացուցիչներ: