Մասնավոր աղբյուրները Sky News Arabia-ին հայտնել են, որ Թուրքիայի կառավարությունը տասնյակ արաբ և թուրքմեն ընտանիքների Սիրիայի հյուսիս-արևելքում իր վերահսկողության տակ գտնվող տարածքներից տեղափոխել է Լեռնային Ղարաբաղի շրջան՝ բնակություն հաստատելու այն տարածքներում, որտեղից հայկական ուժերը դուրս են բերվել։
Հյուսիսարևելյան Սիրիայի ինքնավարության ներկայացուցիչ Շաֆան ալ-Խաբուրին Sky News Arabia- ին հաստատել է տեղեկությունը, որ Թուրքիայի կառավարությունը որոշել է սիրիացի ընտանիքներին Լեռնային Ղարաբաղ տեղափոխել։
Ալ-Խաբուրին բացատրել է, որ դա արվում է Ղարաբաղում, որտեղ մեծ թվով քրդեր են բնակեցված, ժողովրդագրական փոփոխություններ առաջացնելու համար։ Քրդերն այս տարածաշրջանը անվանում են «Կարմիր Քուրդիստան»:
Նա ավելացրել է, որ ինքն ու իր վարչակազմը մշտական կապի մեջ են քրդերի հետ, և իրենք համոզվել են, որ սիրիացի որոշ ընտանիքներ այնտեղ են ժամանում Թուրքիայի տարածքով:
