Երեւանի քաղաքապետ Հայկ Մարությանը վարակվել է կորոնավիրուսով:
Այս մասին NEWS.am-ին հայտնեց քաղաքապետի մամուլի քարտուղար Հակոբ Կարապետյանը:
Քաղաքապետի հիվանդության պատճառով որոշ ժամանակ կգտնվի արձակուրդում, եւ այդ ընթացքում նրա պարտականությունները ժամանակավորապես կկատարի քաղաքապետի առաջին տեղակալ Հրաչյա Սարգսյանը:
Նոյեմբերի 21-ին՝ ժամը 11:00-ի դրությամբ, հաստատվել է կորոնավիրուսային հիվանդության ընդհանուր 124839 դեպք, որոնցից 92829-ը` առողջացած, 1931-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 29581 պացիենտ:
Ընդհանուր առմամբ կատարվել է 483652 թեստավորում:
«Այսպիսով` երեկ կատարվել է 3207 թեստավորում, որից հաստատվել է կորոնավիրուսային հիվանդության 1193 նոր դեպք: Ունենք 2075 առողջացած և 31 մահվան դեպք:
Նախորդ օրն արձանագրվել է մահվան 10 դեպք, երբ պացիենտներն ունեցել են կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 498 է»,- հայտնում են ՀՀ ԱՆ-ից:
