Trimble Inc.-ը դադարեցրել է թուրքական Bayraktar հարձակողական անօդաչու թռչող սարքերի համար բաղադրիչ մասերի մատակարարումը։
Այս ԱԹՍ-երն Ադրբեջանի զինված ուժերն օգտագործում են Արցախում խաղաղ բնակիչների դեմ:
Սարքերի վաճառքի դադարեցման մասին հայտարարել է ընկերության փոխնախագահ Ջիմ Քըրքլենդը:
Հանրապետության մայրաքաղաք Ստեփանակերտի հարակից տարածքներում լսվում են պայթյունի ձայներ: «Արմենպրես»-ի հետ զրույցում Արցախի Արտակարգ իրավիճակների պետական ծառայությունից հայտնեցին, որ Ադրբեջանի կողմից այդ տարածքներն այս պահին չեն թիրախավորվում:
«Ստեփանակերտի հարակից տարածքներում են լսվել պայթյունների ձայներ: Այս պահին քաղաքն Ադրբեջանի զինուժի կողմից չի թիրախավորվում, լսվում են հիմնականում մեր (արտակարգ իրավիճակների պետական ծառայության՝ ականների պայթեցման- խմբ.) աշխատանքների ձայները, պարզապես մարդիկ երբեմն այդ ձայները շփոթում են»,- ասաց Արցախի Արտակարգ իրավիճակների պետական ծառայության տեղեկատվության և հասարակայնության հետ կապերի բաժնի սպա Հունան Թադևոսյանը:
Ժամեր առաջ կարճ ժամանակով Ստեփանակերտում միացել էր նաև օդային տագնապի ազդանշանը:
