Արցախի Պաշտպանության բանակն Ադրբեջանի ևս մեկ անօդաչու թռչող սարք է խոցել։ Այս մասին տեղեկացնում է ՀՀ պաշտպանության նախարարության մամուլի խոսնակ Շուշան Ստեփանյանը։
«Առավոտ բարի լույսով ևս մեկ ԱԹՍ»,- «Արմենպրես»-ի հաղորդմամբ՝ նշել է Ստեփանյանը։
Վերջին անգամ ադրբեջանական կորուստների վերաբերյալ հոկտեմբերի 26-ին հրապարակված տվյալներով հայկական կողմը խոցել է Ադրբեջանի 220 ԱԹՍ։
Գիշերվա ընթացքում արցախա-ադրբեջանական հակամարտության գոտում պահպանվել է հարաբերական կայուն-լարված իրադրություն:
Երեկոյան հակառակորդը շարունակել է հրետակոծել խաղաղ բնակավայրերը, մասնավորապես թիրախում էին հայտնվել Մարտունին, Ասկերանի շրջանի վերին ենթաշրջանի գյուղերը:
Ներկայումս տեղային նշանակության մարտեր են ընթանում ճակատային գծի որոշ ուղղություններում: ՊԲ ստորաբաժանումները շարունակում են հակառակորդի դիվերսիոն խմբերի ոչնչացման գործողությունները:
