ՀՀ վարչապետ Նիկոլ Փաշինյանը Ֆեյսբուքի էջում հրապարակել է հայ արձակագիր Հրանտ Մաթևոսյանի «Ծառերը» ստեղծագործությունից մի հատված.
«Մի անգամ ձեր գլխի հետ թող իրենց բռունցքն էլ ցավի, տեսնեմ մյուս անգամ կխփե՞ն, տղամարդու նման մի անգամ կանգնեք, թող ձեզ զոռով ծալեն, դուք մի՛ կոտրվեք, թող ձեզ զոռով կոտրեն — մյուս անգամ տեսնեմ կկոտրե՞ն, կծալե՞ն, կմոտենա՞ն»:
ՀՀ վարչապետ Նիկոլ Փաշինյանը Ֆեյսբուքի իր էջում ներկայացրել է Արցախի պաշտպանության համար մղվող մարտերին կամավորագրվելու անհրաժեշտ քայլերը:
«Քայլ 1. Ձևավորել կամավորական ջոկատ (նվազագույնը 30 հոգի):
Քայլ 2. Ընտրել հրամանատար:
Քայլ 3. Դիմել հրամանատարի բնակության վայրի զինկոմիսարիատ:
Քայլ 4. Զորամասերից մեկում անցնել ներդաշնակում, պատրաստում:
Քայլ 5. Մեկնել հայրենիքի պաշտպանության առաջնագիծ:
Քայլ 6. Հաղթել»,- գրել է վարչապետը:
