Գնդապետ Ստեփան Գևորգյանն այս պատերազմի լեգենդներից է։ Այս մասին Ֆեյսբուքի իր էջում գրել է ՀՀ ՊՆ ներկայացուցիչ Արծրուն Հովհաննիսյանը:
«Նրա անունը դեռ հիշելու եք բոլորդ։ Անփորձանք, պարո՛ն գնդապետ։ Հենց նրա նմանների շնորհիվ ենք հաղթելու։
Հենց նրա՛ կողքին կռվեք, սիրելի՛ կամավորականներ ու պահեստազորայիններ»,- գրել է Հովհաննիսյանը։
ՀՀ պաշտպանության նախարարության մամուլի խոսնակ Շուշան Ստեփանյանը ներկայացնում է հերոսական դրվագ հոկտեմբերի 18-ի մարտերից, երբ ադրբեջանական զինված ուժերը հարավային ուղղությամբ ձեռնարկել էին տանկերով ուղեկցվող հարձակում՝ օգտագործելով 7 տանկ, այդ թվում՝ մեկ միավոր Տ-90, 5 զրահափոխադրիչ հետևակի տեղափոխման համար։
«Հակառակորդը նպատակադրվել էր սրընթաց հարձակմամբ կրակային և հոգեբանական ճնշում գործադրել անձնակազմի վրա՝ ապահովելով ճեղքում սահմանի կարևոր հատվածում։ Գնդապետներ Ստեփան Գևորգյանի, Ստանիսլավ Երյոմինի և հակատանկիստ, շարքային Գարիկ Առաքելյանի մասնագիտական վարպետության, բարոյակամային բարձր որակների և գերազանց ներդաշնակ գործողությունների շնորհիվ հարձակումը խափանվել և հակառակորդը մի քանի կիլոմետր հետ է շպրտվել»,- նշում է Ստեփանյանը։
Գնդապետ Ստեփան Գևորգյանը այս պատերազմի լեգենդներից է։ Նրա անունը դեռ հիշելու եք բոլորդ։ Անփորձանք պարոն գնդապետ։ Հենց…
Posted by Արծրուն Հովհաննիսյան on Sunday, 18 October 2020