Հայաստանին ու Արցախին զորակցություն են շարունակում հայտնել Բելգիայի հայ համայնքի ներկայացուցիչները: Բրյուսելում հայ ակտիվիստները ցույց են կազմակերպել՝ պահանջելով ճանաչել Արցախի Հանրապետության անկախությունը:
Բելգիահայերը բողոքում են նաև Լեռնային Ղարաբաղում թուրք-ադրբեջանական ագրեսիայի դեմ: Ցուցարարները Եվրոպային կոչ են անում կույր չլինել՝ Թուրքիայի նախագահին անվանելով ահաբեկիչ:
Ինչպես ավելի վաղ հայնել էինք, Ֆրանսիայի Լիմոնե քաղաքի համայնքային խորհուրդը հինգշաբթի՝ հոկտեմբերի 15-ին, միաձայն քվեարկել է Արցախի անկախության ճանաչման օգտին։ Այդ մասին Ֆեյսբուքի էջում գրել է Արցախի ԱԳ նախարար Մասիս Մայիլյանը:
«Փաստաթուղթը պարունակում է մասնավորապես հետևյալ պատգամը․ «Ֆրանսիայի կողմից Արցախի Հանրապետության ճանաչում՝ որպես նրա բնակչության անվտանգության, ինչպես նաև տարածաշրջանի և գլոբալ կայունության գրավական»։
Այսպիսով, Լիմոնեն Ֆրանսիայում երկրորդ քաղաքն է Ալֆորվիլից հետո, և առաջինը Օվերն Ռոն Ալպ շրջանում, որ ճանաչում է Արցախի անկախությունը»,- գրել է Մայիլյանը։