Քիմ Քարդաշյանը կրկին իր աջակցությունն է հայտնել Հայաստանին: Աշխարհահռչակ հայուհին Instagram-ի Story բաժնում նոր տեսանյութ է հրապարակել` պատմելով ադրբեջանա-թուրքական հարձակման հետեւանքով դժվար կացության մեջ հայտնված իր հայրենակիցների մասին եւ կոչ անելով միանալ Հայաստանի համահայկական հիմնադրամի դրամահավաքին` ի աջակցություն Արցախի եւ Հայաստանի տուժած բնակիչներին:
«Հայաստանի համահայկական հիմնադրամը վիրտուալ դրամահավաք է իրականացնում` գումարային աջակցություն ցուցաբերելով նրանց, ովքեր տուժել են Հայաստանում եւ Արցախում տիրող այս իրավիճակում:
Հիմնադրամը մարդասիրական, սննդային, կացարանային եւ բժշկական օգնություն է ցուցաբերում նրանց, որոնք վնասներ են կրել այս ծանր ժամանակահատվածում:
Մեզ չեն բաժանում սահմանները եւ մենք բոլորս հայ ազգի մի մասնիկն ենք»,-իր խոսքում նշել է հայուհին:
Այ աղջիկը))💪Քիմը 189 մլն լսարանին կոչ է անում գումար նվիրաբերել Համահայկական հիմնադրամին🇦🇲
Posted by Lusine Paravyan on Saturday, 10 October 2020