Հայաստանը կաջակցի ցանկացած նախաձեռնություն, որը կհանգեցնի հրադադարի, այդ թվում՝ Մինսկի խմբի համանախագահ երկրներից խորհրդարանականների ժամանումը չճանաչված Լեռնային Ղարաբաղի Հանրապետության մայրաքաղաք, շուտափույթ զինադադարի մասին ՏԱՍՍ-ի հարցին պատասխանել է ՀՀ նախագահ Արմեն Սարգսյանը:
«Մենք ողջունում ենք ցանկացած գաղափար, որը կբերի զինադադարի, այդ թվում՝ Մինսկի խմբի համանախագահ երկրներից խորհրդարանականների ժամանումը Ստեփանակերտ: Սակայն նախաձեռնությունը պետք է լինի հենց համանախագահների կողմից»,- պատասխանել է Սարգսյանը:
ՀՀ նախագահը նաեւ նշել է նաեւ, որ համանախագահ երկրները լուրջ ազդեցություն ունեն բանակցային գործընթացի վրա` հավելելով, որ Ռուսաստանն այս ցուցակում առաջինն է, քանի որ լավ հարաբերությունների մեջ է հակամարտության կողմերի հետ: