Հայաստանի վարչապետի պաշտոնում Նիկոլ Փաշինյանի նշանակումից ընդամենը ժամեր անց Ռուսաստանի նախագահ Վլադիմիր Պուտինը շնորհավորել է նրան այդ կապակցությամբ։
ՌԴ ղեկավարի շնորհավորանքը տեղադրված է նրա պաշտոնական կայքում։ Այնտեղ Պուտինը մատնանշել է, որ Հայաստանի ու Ռուսաստանի հարաբերությունները հիմնվում են բարեկամության բարի ավանդույթների ու փոխադարձ հարգանքի վրա։
«Հուսով եմ, որ մեր երկխոսությունը և համատեղ կառուցողական աշխատանքը կօգնեն հայ-ռուսական դաշնակցային փոխգործակցության հետագա ամրապնդմանը, ինչպես նաև եվրասիական տարածքում ինտեգրացիոն գործընթացների առաջխաղացմանը։
Դա, անկասկած, համապատասխանում է մեր եղբայրական ժողովուրդների շահերին», – ասել է Պուտինը իր շնորհավորական խոսքում։
