Իրանի տարածքի վրա կրակն անընդունելի է: Այս մասին հայտարարել է Իրանի Պաշտպանության նախարար Ամիր Խաթամին՝ խոսելով ղարաբաղյան հակամարտության գոտուց Իրանի տարածքի վրա կրակոցների մասին:
Իրանցի նախարարն ասել է, որ Թեհրանը համապատասխան միջոցառումներ կձեռնարկի, եթե կրակն իր տարածքի վրա չդադարի: Այս մասին գրում է IRNA-ն:
Խաթամին զգուշացրել է՝ եթե նույնիսկ այդ կրակը կրում է պատահական բնույթ, դա անընդունելի է:
«Մենք հույս ունենք, որ այս զգուշացումները կընդունվեն մեր հարևանների կողմից, ովքեր հակամարտության մեջ են միմյանց հետ, քանի որ Իրանի քաղաքացիների անվտանգությունը կարևոր հարց է»,-հավելել է նա:
