ՀՀ ԱԺ «Իմ քայլը» խմբակցության անդամ Ռուստամ Բաքոյանը հայտարարությունների ժամին շեշնշեց, որ երբեք չի կարելի եզդիներին քրդերի հետ շփոթել։
«Մենք՝ եզդիներս, մեր լուրջ մասնակցությունն ունենք այս պրոցեսում և չենք հրաժարվում, չենք էլ հրաժարվելու։ Ուզում եմ նաև դիմել Ադրբեջան հորջորջվող տարածքում բնակվող բնիկներին՝ թալիշներին, որ իրենց պատմական հայրենիքում իրենք պետք է իրենց պետականությունը ստեղծեն։ Մենք աջակցում ենք նրանց։ Դուք ապրում եք ձեր պատմական հայրենիքում, և իրավունք ունեք ինքնորոշվելու։
Այդ հարցում մենք՝ եզդիներս էլ մեր ռեսուրսները տրամադրում ենք։ Ի տարբերություն Ադրբեջանի ազգային փոքրամասնությունների, որոնք հենց բնիկներ են, մենք՝ եզդիներս, Հայաստանում մեզ լիիրավ քաղաքացիներ ենք զգում, և շարունակում ենք կողք-կողքի լայն ու նեղ օրերի ճանապարհ անցնել: Ադրբեջանի կողմից Հայաստանի ու Արցախի դեմ սանձազերծված պատերազմին մասնակցող ահաբեկիչների դեմ այս պահին հարավային ուղղությամբ մարտնչում է հենց եզդիական ջոկատը։
Այդ սիրիացի վարձկաններին եզդիները պարտք ունեն՝ Սինջարում 2014-ի եզդիների ցեղասպանության դիմաց, ու այդ պարտքը մարտի դաշտում տալու են»,- ասաց պատգամավորը։
