Թուրքիայի նախագահ Ռեջեփ Թայիփ Էրդողանն ասել է, որ եթե Սիրիայի հյուսիսից քրդական կազմավորումները դուրս բերելու վերաբերյալ Անկարային տրված խոստումները չկատարվեն, ապա նա ինքը «կանի ամեն անհրաժեշտ բան», հաղորդում է ՌԻԱ Նովոստին:
Նա ավելացրել է, որ «Թուրքիայի համար անընդունելի են ցանկացած քայլեր, որոնք կհանգեցնեն սիրիական Իդլիբում նոր աղետի»: 2019-ի հոկտեմբերին Թուրքիան համաձայնվեց Միացյալ Նահանգների հետ դադարեցնել «Խաղաղության աղբյուր» անվան տակ Անկարայի ռազմական գործողությունը Սիրիայի հյուսիս-արևելքում և սիրիաթուրքական սահմանի 30 կիլոմետրանոց բուֆերային գոտուց քրդական կազմավորումների դուրսբերումը: